Gasteizko Alde Zaharreko harrizko kaleetako tabernetan miniaturazko gutiziak dira jaun eta jabe. Pintxoak egitearen artea gehien zaintzen duten establezimenduen artean honako hauek nabarmendu behar dira: mokadu bereziei esker hainbat sari eskuratu dituen 'Toloño' (San Frantzisko aldapa, 3), pintxo eta anoa eskaintza zabala duen 'La Malquerida' (Hedegile kalea, 10), 'Tabanco' (Hedegile kalea, 46) eta 'Kokodrilo' (Hedegile kalea, 47). Azken horrek arkakusoak (hala esaten diete anoa txikiei) ditu espezialitate nagusi.

Errementari kalean ere pintxo taberna ugari aurkituko ditugu, tartean, 'Erkiaga' izenekoa. Orain hiru hamarkada baino gehiago ireki zuten lokal horrek hainbat sari lortu izan ditu, eta bertako pintxo ezagunenak Erromesaren bieira du izena.

Miniaturazko mokaduak gustuko baditugu beste hainbat taberna izango ditugu aukeran. Besteak beste, 'Hor Dago' (Frai Zacarias Martinez kalea, 2), 'Virgen Blanca' eta arrautza apurtuak zerbitzatzeagatik ezaguna den 'Barron' nabarmendu behar dira.