Elkarte honek Donostia eta Gipuzkoa negozio topagune gisa sustatzea du helburu. Donostia Convention Bureau erakundeak asetzen ditu antolatzaileen beharrak, hasieratik amaierara. Kongresuak, jardunaldiak, biltzarrak eta antzekoak antolatzeko lurralde horren azpiegitura, zerbitzu eta errekurtsoen eskaintza guztia biltzen du.

Bezeroari eskaintzen dizkion zerbitzuen artean daude, besteak beste, tokirik egokiena aukeratzeko aholkularitza, eraikin publikoak erabiltzeko baimenak lortzeko prozesuan laguntza, hiriko kultura nahiz aisialdi zentroetan sartzeko sarrerak, ekintzak hedabideetan zabaltzeko laguntza, etab.