Ebro ertzean, Arabako hegoaldean, mahastien 12.000 hektarea horitzen dira eguzkitan. Arabako Errioxako eskualdearen zati dira eta urteko 40 milioi litro ardo ekoizten dituzte, Errioxa Jatorrizko Deituraren Kontseilu Arautzailearen kontrolpean lantzen direnak. Hori dela eta, Euskadiko zoko honetako zukuak ospetsuak dira nazioarte mailan eta lur hauek bisitatzea nahitaezkoa da.

Guztira 35 upategi dira, izen oneko herrietan banatuak daudenak: Bastida, Guardia, Samaniego, Lantziego, Bilar edo Lapuebla Labarka, eta beren ateak zabaltzen dituzte bertakoek zein atzerrikoek Arabako ardo hauek dastatu, beren onurak ezagutu eta eros ditzaten, Erreserbakoak, Erreserba Handikoak edo Onduak izan. Eskaintza enoteka, museo eta bisitaria bere etxean bezala egon dadin sortutako beste enpresa batzuekin osatzen da.